დარწმუნდით, რომ კანდიდატის რეზიუმე სიმართლეს შეესაბამება.

მარიამი გახლავთ საერთაშორისო და ევროპული სამართლის სპეციალისტი (LLM in International and European Law). მრავალმხრივი გამოცდილებით საერთაშორისო კორპორაციულ და ფინანსურ გარემოში. მარიამს პროფესიული გამოცდილება აქვს Union Bank of Switzerland (UBS)-ის ტრანსსასაზღვრო იურიდიულ გუნდსა და Shell-ის Ethics & Compliance მიმართულებაში, სადაც მუშაობდა საერთაშორისო რეგულაციებთან, სამართლებრივ კვლევასთან, compliance-თან, რისკების შეფასებასა და კლიენტთა/კონტრაგენტთა შემოწმების პროცესებთან. მისი გამოცდილება ასევე მოიცავს კორპორაციული და საერთაშორისო სამართლის მიმართულებებს.

Verifact-ში მარიამი აერთიანებს იურიდიულ ცოდნას, საერთაშორისო კორპორაციულ სტანდარტებსა და რისკზე დაფუძნებულ მიდგომას, რათა კანდიდატის შესახებ გადაწყვეტილება გადამოწმებულ ფაქტებსა და სანდო ინფორმაციას დაეყრდნოს.

მარიამ მარშანიშვილის პროფესიული სპეციალიზაცია მოიცავს პერსონალურ მონაცემთა დაცვას, რეგულაციურ შესაბამისობასა და ხელოვნური ინტელექტის სამართლებრივ საკითხებს. მას აქვს პრაქტიკული გამოცდილება სამოქალაქო, კომერციულ, შრომით და პერსონალურ მონაცემთა დაცვის სამართალში, როგორც კერძო, ისე საერთაშორისო სამართლებრივ გარემოში.

მისი საერთაშორისო გამოცდილება მოიცავს პროფესიულ პრაქტიკას პოლონეთში — Lubasz i Wspólnicy – Kancelaria Radców Prawnych-სა და University of Wroclaw-ის Digital Justice Center-ში, სადაც მუშაობდა მონაცემთა დაცვის, კონფიდენციალურობისა და AI-სთან დაკავშირებულ სამართლებრივ საკითხებზე.

მარიამი არის სერტიფიცირებული მედიატორი და University of Wroclaw-ის Research Scholar, სადაც პერსონალური მონაცემების საერთაშორისო გადაცემის საკითხებზე ჩატარებული კვლევა უმაღლესი შეფასებით — 5/5 — დაასრულა.